兩位Simon、芝華、蘇先生，多謝你哋讀出我嘅來信。我同一個男仔拍拖咗幾個月，佢外貌唔吸引我。但同一時間，我過去同好多唔負責任嘅男仔約會過，我意識到佢對我好好。除咗聰明同關心人，佢仲有份穩定嘅政府EO工。
我今年38歲，係一個freelance artist，所以我嘅收入唔穩定。如果有一個似佢咁嘅老公，我就可以全心全意專注喺我嘅藝術創作，同時開始一個家庭，呢個係我嘅心願。我對佢有感覺，但冇咁種心跳加速嘅浪漫愛情。如果佢唔係堅持喺我一次藝術展之後約我出去，我可能唔會俾佢機會。我哋嘅關係到而家都係casual嘅，但佢而家想要更加認真嘅關係——可能甚至係結婚。我知道我父母都係相睇咁識，雖然一開始冇咩愛情，但佢哋幸福地生活咗好多年。我有啲諗法認為我可能可以喺佢身上搵到一個終身伴侶，而且佢會喺經濟上支持我嘅夢想。
但係當我同我老死講我唔係熱情地愛佢嗰陣，佢好嬲，覺得我會「利用」佢。我以前經歷過好深嘅愛情，所以我都好疑惑，係咪呢種親密嘅連結應該比婚姻中嘅安全同舒適更加重要。另外我都怕隨住年紀嘅增長，冇可能再有咁好嘅機會。但係⋯我又唔想因為冇愛情而後悔結婚，亦都唔想欺騙同傷害佢。如果講到結婚，我應該拒絕佢，定係實際啲同意佢嘅求婚呢？我好矛盾，希望可以聽到你哋四位嘅建議。
Thanks!
-Phoenix
/
